მწვანე ბარათის გათამაშება -ში მონაწილეობის მიღებას რამდენიმე მნიშვნელოვანი სარგებელი და მიზეზი აქვს, რომლებიც მიმზიდველია მსოფლიოს უამრავი ეროვნებისათვის. მწვანე ბარათის მქონე პირები სარგებლობენ იმავე განათლების და კარიერული შესაძლებლობებით, როგორც აშშ-ს მოქალაქეები. თქვენ შეგიძლიათ ისწავლოთ ამერიკულ უნივერსიტეტებში, ისარგებლოთ სტიპენდიებით და მიიღოთ სამუშაო გამოცდილება მაღალი დონის კომპანიებში. მწვანე ბარათი გაძლევთ შესაძლებლობას, მუდმივად იცხოვროთ და იმუშაოთ ამერიკის შეერთებულ შტატებში. ეს ნიშნავს, რომ თქვენ არ დაგჭირდებათ ვიზის განახლება ან სხვა დროებითი დოკუმენტების გაფორმება.

რა არის მწვანე ბარათი?

მწვანე ბარათი (Green Card), ოფიციალურად ცნობილია როგორც მუდმივი რეზიდენტობის ბარათი (Permanent Resident Card), წარმოადგენს დოკუმენტს, რომელიც ადასტურებს აშშ-ის არამოქალაქე პირის უფლებას, მუდმივად იცხოვროს და იმუშაოს ქვეყანაში.

როგორ შეიძლება მწვანე ბარათის მიღება?

მწვანე ბარათის მიღების რამდენიმე გზა არსებობს, მათ შორის ოჯახური კავშირები, დასაქმება, თავშესაფარი, ლტოლვილის სტატუსი, ან დივერსიფიკაციის ვიზის პროგრამა (ვიზალატარეა).

რა არის დივერსიფიკაციის ვიზის პროგრამა (DV ლატარეა)?

ეს არის აშშ-ს სახელმწიფო დეპარტამენტის მიერ ყოველწლიური პროგრამა, რომელიც  55,000 აშშ-ის არამოქალაქე ადამიანს აძლევს შესაძლებლობას, მოიპოვონ მწვანე ბარათი.

ვის შეუძლია მონაწილეობის მიღება DV ლატარეაში?

მონაწილეობის მიღების უფლება აქვთ იმ ქვეყნების მოქალაქეებს, საიდანაც ბოლო 5 წლის განმავლობაში 50,000-ზე ნაკლები ადამიანი წავიდა აშშ-ში. ასევე, აუცილებელია სკოლის დიპლომი ან მინიმუმ ორწლიანი სამუშაო გამოცდილების არსებობა.

მწვანე ბარათის ლატარიაში მონაწილეობისთვის ასაკობრივი ზღვარი
“გრინ ქარდის” შევსებისას კონკრეტული ასაკობრივი შეზღუდვა არ არსებობს. თუმცა, როგორც უკვე აღინიშნა, აპლიკანტს უნდა ჰქონდეს მინიმუმ საშუალო სკოლის დიპლომი ან მინიმუმ ორი წლის სამუშაო გამოცდილება ბოლო ხუთი წლის განმავლობაში. რაც ხშირ შემთხვევაში ავტომატურად გამორიცხავს უმცროსი ასაკის პიროვნებებს, რადგან მათ ჯერ არ ექნებათ შესაბამისი განათლება ან სამუშაო გამოცდილება.

შეჯამებისას, მიუხედავად იმისა, რომ ასაკობრივი ზღვარი არ არის, აუცილებელია განათლების ან სამუშაო გამოცდილების მოთხოვნების დაკმაყოფილება.

რა ხდება ლატარიაში გამარჯვების შემთხვევაში?

გამარჯვების შემთხვევაში, აპლიკანტი უნდა დარეგისტრირდეს აშშ-ს საელჩოში და გაიაროს ინტერვიუ, რისთვისაც  საჭირო იქნება სვადასხვა დოკუმენტის მომზადება.

მწვანე ბარათის მქონე პირების უფლებები და მოვალეობები :

მწვანე ბარათის მქონე პირები, რომლებიც აშშ-ში ლეგალურად ცხოვრობენ, სარგებლობენ მრავალი უფლებებით და აქვთ გარკვეული მოვალეობები. მათ შორის ძირითადი უფლებები და მოვალეობები მოიცავს:

უფლებები:

1. ლეგალურად ცხოვრება და მუშაობა აშშ-ში: მწვანე ბარათის მფლობელებს უფლება აქვთ ცხოვრობდნენ ნებისმიერ შტატში და მუშაობდნენ ნებისმიერ ლეგალურ პოზიციაზე.
2. მოგზაურობა აშშ-ს ფარგლებს გარეთ და უკან დაბრუნება: მწვანე ბარათის მფლობელები თავისუფლად შეიძლება გადავიდნენ სხვა ქვეყნებში და დაბრუნდნენ აშშ-ში, თუმცა, დიდი ხნით (180 დღეზე მეტი) აშშ-ს გარეთ ყოფნის შემთხვევაში, შესაძლებელია პრობლემები შეექმნათ მუდმივი ბინადრობის სტატუსის შენარჩუნებაზე.
3. სოციალური უსაფრთხოების და სხვა სამთავრობო სერვისებზე წვდომა: გარკვეული მოთხოვნების დაკმაყოფილების შემთხვევაში, მწვანე ბარათის მფლობელები სარგებლობენ სოციალური დაცვის და სხვა სამთავრობო პროგრამებით.
4. განათლების მიღება და ფინანსური დახმარების მიღება:მწვანე ბარათის მფლობელებს, აშშ-ის მოქალაქეების მსგავსად, შეუძლიათ ისწავლონ და მიიღონ ფინანსური დახმარება (სტიპენდიები, სტუდენტური სესხები და სხვა).
5. სახლის შეძენა და საკუთრების უფლებები: მწვანე ბარათის მფლობელებს აშშ-ში შეუძლიათ უძრავი ქონების შეძენა.

მოვალეობები:

1. საგადასახადო ვალდებულებები: მწვანე ბარათის მფლობელები ვალდებულები არიან გადაიხადონ ფედერალური, შტატური და ადგილობრივი გადასახადები, როგორც ნებისმიერი სხვა ამერიკელი მოქალაქე.
2. სავალდებულო სამხედრო სამსახური (რეგისტრაცია მხოლოდ მამაკაცებისთვის): 18-დან 25 წლამდე მამაკაცებმა უნდა გაიარონ სავალდებულო სამხედრო რეგისტრაცია.
3. მუდმივი ბინადრობის სტატუსის შენარჩუნება: ისინი ვალდებულნი არიან არ დატოვონ აშშ დიდი ხნით ან მუდმივად არ გადავიდნენ საცხოვრებლად სხვა ქვეყანაში, რაც შეიძლება მიგვიყვანოს მწვანე ბარათის დაკარგვამდე.
4. მინიმალური წესების დაცვა და კანონის მორჩილება: მწვანე ბარათის მფლობელებმა უნდა შეასრულონ აშშ-ის კანონები და თავიდან აიცილონ დანაშაულებრივი ქმედებები, რაც შეიძლება მწვანე ბარათის გაუქმების ან დეპორტაციის მიზეზი გახდეს.

მწვანე ბარათის მფლობელებმა, გარკვეული პერიოდის შემდეგ, შესაძლოა განაცხადონ აშშ-ის მოქალაქეობაზე, რაც დამატებით უფლებებს მისცემს, თუმცა ამისთვის ისინი უნდა აკმაყოფილებდნენ რამდენიმე მოთხოვნას, მათ შორის, უწყვეტი ბინადროა, ინგლისური ენის ცოდნა და აშშ-ის ისტორიისა და მთავრობის საფუძვლების გამოცდის ჩაბარება.

მწვანე ბარათის მოქმედების ვადა

მწვანე ბარათს ჩვეულებრივ, 10-წლიანი მოქმედების ვადა აქვს. ბარათის ვადის გასვლის შემდეგ, ბენეფიციარმა უნდა გაახანგრძლივოს იგი. თუმცა ბინადრობის სტატუსი თავად ბარათის ვადის გასვლასთან ერთად არ იწურება.

მწვანე ბარათის მოქმედების ვადის გასვლის შემდეგაც, მუდმივი ბინადრობის სტატუსი არ იკარგება, თუმცა ახალი ბარათის აღება საჭიროა ლეგალურად ქვეყნის გარეთ გამგზავრების ან სხვა ოფიციალური საჭიროებებისათვის.

თუ ვერ ახერხებთ თავად შეავსოთ მწვანე ბარათის გათამაშების განაცხადი, შეგიძლიათ ქვემოთ მოცემულ მარტივ ფორმაში მიუთითოთ მხოლოდ თქვენი სახელი, გვარი და საკონტაქტო ნომერი. ამის შემდეგ ჩვენი ოპერატორი დაგიკავშირდებათ და დაგეხმარებათ განაცხადის გაკეთებაში.