Sky Express -გაუქმებული და დაგვიანებული ფრენის კომპენსაცია
December 16, 2024
EasyJet -გაუქმებული და დაგვიანებული ფრენის კომპენსაცია
December 27, 2024Sky Express -გაუქმებული და დაგვიანებული ფრენის კომპენსაცია
December 16, 2024EasyJet -გაუქმებული და დაგვიანებული ფრენის კომპენსაცია
December 27, 2024
Vueling -გაუქმებული და დაგვიანებული ფრენის კომპენსაცია
გსურთ მიიღოთ Vueling- ის ფრენის კომპენსაცია გაუქმებული ან დაგვიანებული რეისის გამო? გაეცანით კომპენსაციის მიღების პირობებს ჩვენს სტატიაში და დაიწყეთ სპეციალური ფორმის შევსება კუთვნილი ანაზღაურების მისაღებად.
Vueling -ი ესპანური დაბალბიუჯეტური ავიაკომპანიაა, რომლის მთავარი ბაზა ბარსელონას ელ პრატის აეროპორტში მდებარეობს. 122-მდე არსებული ბიუჯეტური ფრენები საშუალებას გაძლევთ იმოგზაუროთ როგორც ევროპის, ისე აზიის და აფრიკის გამორჩეულ ქვეყნებში. Vueling -ი ესპანეთის ყველაზე დიდი ავიაკომპანიაა მიმართულებებისა და ფლოტის რაოდენობის მიხედვით.
Vueling -ი ევროპული ავიაკომპანიაა, რაც იმას ნიშნავს, რომ ის ვალდებულია შეასრულოს ევროკავშირის 261/2004 რეგულაციის მოთხოვნა და გასცეს კომპენსაცია გაუქმებული თუ გადადებული ფრენების გამო.
რა შემთხვევაში გეკუთვნით Vueling -ის დაგვიანებული ფრენის კომპენსაცია?
Vueling -ის დაგვიანებული ფრენის კომპენსაცია შეგიძლიათ მიიღოთ იმ შემთხვევაში, თუ:
დაგვიანება 3 საათს აღემატება
თუ თქვენი საბოლოო დანიშნულების აეროპორტში ჩაფრინდებით 3 საათიანი ან მეტი დაგვიანებით, შეგიძლიათ მოითხოვოთ ვუელინგის დაგვიანებული ფრენის კომპენსაცია. დაგვიანების დრო განისაზღვრება რეისის ჩაფრენის და არა გამგზავრების მიხედვით.
ფრენა სრულდება ევროკავშირის ტერიტორიაზე
კომპენსაციის მისაღებად აუცილებელია გამგზავრების და დანიშნულების აეროპორტები იყოს ევროკავშირის ტერიტორიაზე. სწორედ ევროკავშირის 261/2004 რეგულაცია იცავს მგზავრების უფლებებს რეისების დაგვიანების თუ გაუქმების დროს.
დაგვიანება გამოწვეულია ავიაკომპანიის მიერ
კომპენსაციის მიღების აუცილებელი პირობაა, რომ დაგვიანება გამოწვეული იყოს ავიაკომპანიის მიზეზით. მაგალითად, ტექნიკური გაუმართაობა, თანამშრომლების გაფიცვა და ა.შ. თუ დაგვიანების მიზეზია ცუდი ამინდი, უსაფრთხოების რისკები, გაფიცვები, ან სხვა “განსაკუთრებული გარემოებები, რაც ავიაკომპანიის კონტროლის მიღმაა, კომპენსაცია არ გაიცემა.
ავიაკომპანიისგან არ მიგიღიათ ალტერნატიული ფრენის შეთავაზება
თუ ავიაკომპანიას არ შემოუთავაზებია ალტერნატიული ფრენა, რომელიც დანიშნულების აეროპორტში ჩაფრინებოდა დაგვიანების გარეშე, უფლება გაქვთ მოითხოვოთ Vueling -ის დაგვიანებული ფრენის კომპენსაცია.
რა შემთხვევაში გეკუთვნით Vueling -ის გაუქმებული ფრენის კომპენსაცია?
Vueling -ის გაუქმებული ფრენის კომპენსაცია შეგიძლიათ მიიღოთ იმ შემთხვევაში, თუ:
რეისის გაუქმების შესახებ შეტყობინება მიიღეთ ფრენამდე 14 დღეზე ნაკლებ დროში
თუ თქვენი რეისი გაუქმდა და ავიაკომპანიისგან გაუქმების შეტყობინება მიიღეთ გაფრენის თარიღამდე 14 დღეზე ნაკლებ დროში, ამ შემთხვევაში შეგიძლიათ მოითხოვოთ კომპენსაცია.
ფრენა სრულდება ევროკავშირის ტერიტორიაზე
თუ თქვენი გაუქმებული ფრენის გამგზავრების ან დანიშნულების ადგილი ევროკავშირის ტერიტორიაზეა, თქვენ გაქვთ კომპენსაციის მოთხოვნის უფლება.
ფრენის გაუქმება გამოწვეულია ავიაკომპანიის მიერ
როდესაც ფრენის გაუქმების მიზეზად სახელდება ისეთი გარემოებები, როგორებიცაა თვითმფრინავის ტექნიკური გაუმართაობა, ავიაკომპანიის თანამშრომლების გაფიცვა ან სხვა ავიაკომპანიის მიერ გამოწვეული მიზეზები, ამ დროს ავიაკომპანიას ეკისრება კომპენსაცია დაგვაინებული ფრენის გამო.
ავიაკომპანიას არ შემოუთავაზებია ალტერნატიული ფრენა
ზოგჯერ, როდესაც ავიაკომპანია აუქმებს ფრენას, მგზავრებს სთავაზობს დანიშნულების ადგილას სხვა რეისით გამგზავრებას. თუ თქვენ მსგავსი შეთავაზება არ მიგიღიათ, მაშინ შეგიძლიათ მოითხოვოთ კომპენსაცია. ასევე, იცოდეთ, რომ კომპენსაცია გეკუთვნით იმ შემთხვევაშიც, თუ ავიაკომპანიამ ავიაბილეთში გადახდილი თანხა უკან დაგიბრუნათ.
რა შემთხვევაში გეკუთვნით Vueling -ის ჩასხდომაზე უარის თქმის კომპენსაცია?
Vueling -ის ჩასხდომაზე უარის თქმის კომპენსაცია გეკუთვნით მაშინ, თუ ავიაკომპანიამ, თქვენი სურვილის წინააღმდეგ, არ დაგიშვათ ბორტზე ზედმეტად გაყიდული ადგილების გამო. თქვენ შეგიძლიათ მოითხოვოთ კომპენსაცია, თუ:
რეგისტრაციაზე და ჩასხდომაზე გამოცხდდით დროულად
გაქვთ დადასტურებული ავიაბილეთი და ჩასხდომის ბარათი
ავიაკომპანიისგან შემოთავაზებულ ალტერნატივაზე, მაგ. ვაუჩერზე, განაცხადეთ უარი.
თუ ყველა ამ პირობას აკმაყოფილებთ, თქვენ შეგიძლიათ ავიაკომპანიისგან მიიღოთ კომპენსაცია ბორტზე არ დაშვების გამო.
რა შემთხვევაში გეკუთვნით Vueling -ის დაკარგული ან დაზიანებული ბარგის კომპენსაცია?
იმისათვის, რომ დაკარგული ან დაზიანებული ბარგის გამო ავიაკომპანიისგან მიიღოთ კომპენსაცია, ადგილი უნდა ჰქონდეს შემდეგ გარემოებებს:
დაკარგული ბარგი
თუ თქვენ ფრენიდან 21 დღის განმავლობაში ვერ მიიღებთ თქვენს კუთვნილ ჩაბარებულ ბარგს, ის ოფიციალურად ითვლება დაკარგულად და უფლება გაქვთ მოითხოვოთ კომპენსაცია.
დაზიანებული ბარგი
თუ თქვენი ბარგი ტრანსპორტირებისას დაზიანდა, თქვენ გაქვთ კომპენსაციის მოთხოვნის უფლება. ამისათვის აუცილებელია აეროპორტშივე განაცხადოთ ამის შესახებ და შეავსოთ სპეციალური ფორმა (Property Irregularity Report). განცხადებიდან 7 დღის განმავლობაში კი შეგიძლიათ ავიაკომპანიისგან მოითხოვოთ კომპენსაცია დაზიანებული ბარგის გამო.
დაგვიანებული ბარგი
თუ თქვენმა ბარგმა დანიშნულების ადგილას ჩამოსვლა დაიგვიანა, შეგიძლიათ Vueling -ის მოსთხოვოთ იმ აუცილებელი ნივთების ღირებულების ანაზღაურება, რომელიც ბარგის მოლოდინში დაგჭირდათ.
რა შემთხვევაში არ გეკუთვნით Vueling -ის ფრენის კომპენსაცია?
არსებობს მიზეზები, რომლებიც ავიაკომპანიას ათავისუფლებს პასუხისმგებლობისგან გასცეს კომპენსაცია დაგვიანებული თუ გაუქმებული რეისების გამო. ეს მიზეზებია:
ავიაკომპანიამ შეატყობინა მგზავრების ფრენის გაუქმების ან დაგვიანების შესახებ 14 დღეზე მეტი დროით ადრე.
ადგილი ჰქონდა ე.წ „განსაკუთრებულ გარემოებებს“, რაც ავიაკომპანიის კონტროლის მიღმაა. ესენია: ცუდი ამინდი, პოლიტიკური თუ სამოქალაქო არეულობა, ფრინველის შეჯახება თვითმფრინავთან, სამთავრობო გადაწყვეტილებები და ა.შ.
თუ რეისმა დაიგვინა 3 საათზე ნაკლები დროით, ამ შემთხვევაში ავიაკომპანიისგან ვერ მოითხოვთ კომპენსაციას.
რამდენია Vueling -ის გაუქმებული ან დაგვიანებული ფრენის კომპენსაცია?
კომპენსაციის რაოდენობა დამოკიდებულია გაფრენისა და ჩაფრენის აეროპორტებს შორის მანძილზე და გამოითვლება შემდეგნაირად:
ფრენებს შორის მანძილი 1500 კმ-მდე: 250 ევრო
ფრენებს შორის მანძილი 1500 -დან 3500 კმ-მდე: 400 ევრო
ფრენებს შორის მანძილი 3500 კმ-დან: 600 ევრო
როგორ შემიძლია მივიღო Vueling -ის ფრენის კომპენსაცია?
ვუელინგის კომპენსაციის მისაღებად საჭიროა მარტივი ფორმის შევსება, რომელსაც FlyHelp-ი გთავაზობთ. თქვენ მხოლოდ უნდა შეიყვანოთ საჭირო ინფორმაცია, ატვირთოთ პასპორტი და ავიაბილეთი და ბოლოს ელექტრონული ხელმოწერით დაადასტუროთ თქვენი მოთხოვნა. ამით უფლებას მოგვანიჭებთ თქვენი სახელით ავიაკომპანიისგან მოვითხოვოთ თქვენი კუთვნილი კომპენსაცია. განაცხადის მიღება, მისი დამუშავება და საჭირო პროცესების დაწყება ჩვენთან უფასოა. საკომისიოს ვიღებთ მხოლოდ იმ შემთხვევაში, თუ ავიაკომპანია დაკმაყოფილებს ჩვენს მოთხოვნას კომპენსაციის მიღებაზე.
რატომ FlyHelp-ი?
პროფესიონალთა გუნდი - დახმარებას გაგიწევენ თანამშრომლები, რომლებიც გამოირჩევიან პროფესიონალიზმითა და არაერთი წარმატებით ამ საქმეში.
დროის დაზოგვა - თქვენ არ მოგიწევთ დროის დაკარგვა ავიაკომპანისთან საკონტაქტოდ და საჭირო პროცედურების გასავლელად.
არანაირი ფინანსური რისკი - მომსახურების საფასურს ვიღებთ მხოლოდ საქმის წარმატებით დასრულების შემთვევაში.
